Apelacia kortumo de Valparaíso alvokas Darth Vader por procesi lin pro siaj krimoj kontraŭ la galaksio: la forto estu kun vi

• La nekutima iniciato estas parto de la agadoj, kiujn la Juĝistaro realigos en la tuta lando por memorfesti la Tagon de la Heredaĵo.

La Juĝistaro surprizis uzantojn de sociaj retoj anoncante, ke la venontan dimanĉon, la 28-an de majo, kaj en la urbo Valparaíso, ĝi provos Darth Vader, la ikonecan fiulo de la sagao Star Wars, al juĝo.

La iniciato estas parto de la agadoj planitaj de publikaj institucioj por la memorfesto de la Tago de la Heredaĵo, kaj kiu en la kazo de la Valparaisa Apelacia Kortumo apelacios al la ĉeesto de unu el la plej malbonaj gravuloj de la kinematografia fikcio, la maskita Anakin Skywalker, por konigi tiun tagmezon al tiuj, kiuj kunvenas en la Unua Ĉambro de la Valparaisa Kortumo, la manieron kiel jura aŭdienco estas efektivigita en Ĉilio.

La proceso de Darth Vader en Ĉilio

Ĝuste per sia oficiala Tvitera konto la juĝa instanco konfirmis la agadon, unu el la multaj kiujn ĝi konsideras por tiu dimanĉo, ekde la 10-a horo, por ke la ĉeestantoj konu la juĝejojn kaj ĝuu la koregrafiojn preparitajn por la okazo. 

Oni faris tion per parollingva video de la greka diino Temiso, kiu en sia rolo kiel defendanto de justeco kaj egaleco, donis pli da detaloj pri la agado.

"Mi estas Temiso, la diino de Justeco, kaj mi volas inviti vin al la Apelacia Kortumo de Valparaíso, la venontan dimanĉon, la 28-an de majo, de la 10:00 ĝis la 14:00, por festi kune la Tagon de la Heredaĵo 2023a. Ni havos epokajn dancojn, bibliografiajn specimenojn, kaj oni ankaŭ povos foti dum ĝi travojaĝas la kortegon”, malkaŝis la animacio de Themis, kiu ankaŭ promociis la simulan juĝon de la fiulo de Star Wars.

“Nia centra agado estos distra kaj didaktika simulata aŭdienco kontraŭ Darth Vader, kiu okazos en la Unua Ĉambro, je la 12:00. Ni atendas vin,” aldonis la tribunalo.

Monda renkontiĝo pri urba strategia planado komenciĝis en Vicuña

Ekde hodiaŭ ĵaŭdo ĝis venonta sabato okazos la “Foro Vicuña”; Al la Monda Viveja Pintkunveno de Latin-Ameriko kaj Karibio”, evento kiu okazas en la Urba Teatro de la urbo. La lanĉon de la grava aranĝo estris urbestro Rafael Vera, kune kun Sergio Roldán, kolombia fakulo pri urba strategia planado, unu el la internaciaj specialistoj invititaj al la aranĝo.

La forumo organizita de UN-Habitat, la Universitato de Guadalajara de Meksiko kaj la Municipo de Vicuña, kontemplas diversan programon de agadoj, kiu inkluzivas prelegojn, panelojn, ekspoziciojn kaj teknikajn vizitojn, kaj havas la ĉeeston de gravaj aŭtoritatoj kaj internaciaj eksponentoj, inter ili. Elkin Velásquez, Regiona Reprezentanto de UN-Habitat por Latin-Ameriko kaj Karibio.

“Vicuña havas diversajn apartaĵojn, kiuj igis la organizan konsilion rigardi ĉi tiun areon kiel la lokon por la Pintkunveno en Ĉilio. La laboro de promocio kaj disvastigo de la strategio de Vicuña farita de la urbestro Rafael Vera Castillo estis de absoluta precizeco”, komentis Sergio Roldán, kanceliero de la regiono de Antioquia, Kolombio.

Siavice, la urbestro de Vicuña, Rafael Vera, etendis la inviton aliĝi al ĉi tiu internacia aranĝo: “Ni fieras, ke ili atentas nian komunumon por agadoj de ĉi tiu internacia nivelo. Dum tri tagoj ni estos la epicentro de la tutmonda dialogo pri kultura pejzaĝo, heredaĵo, magiaj urboj kaj identeco”.

En la inaŭgura konferenco, Sergio Roldan prezentis “Medellín; la novaj civitanecoj, la novaj urboj kaj turismo”. Daŭris la prezento de la vicsekretario pri turismo, Verónica Pardo Lagos.

Por fermi sabaton, okazos la ĉefkonferenco "Daŭripova Disvolviĝo kaj Nova Urba Tagordo", kun Elkin Velásquez Monsalve, regiona reprezentanto de UN-Habitat por Latin-Ameriko kaj Karibio, organizo kies celo estas antaŭenigi daŭripovan urbanizadon kiel ŝoforo. de disvolviĝo.kaj paco por plibonigi la vivkondiĉojn de ĉiuj homoj. Ĝi havas ĉeeston en 90 landoj.

La renkontiĝo estas forta internacia impulso por Vicuña kaj la tuta Coquimbo Regiono. Tiu ĉi grava forumo aliĝas al alia koncerna evento, kiun la angula komunumo havos: la unua Monda Pintkunveno pri Astroturismo, kiu okazos en septembro 2023.

el Publimetro

Ni revenos!!!

 Post longa tempo ni komencos denove eldonante semajne la chefajn novajhojn el Chilio, en Esperanto.

Ŝofi - Ne atendu!

Argentina TV pri la lastaj protestoj en Chilio

Bildoj de la Tertremego en Curicó, Ĉilio.

POST 35 JAROJ DE LA PUĈO ONI MALFERMIĜAS LA OFICEJO DE ALLENDE

Prezidantino Michelle Bachelet malfermis ĉi jaŭdo la pordojn de la oficejo, kiu uzis kaj kie mortis la 11an de septembro 1973a, la eks-prezidinto Salvador Allende, loko kiu nun estos nomata "Blanka Salono Prezidanto Allende", kaj de kie oni rearanĝis skribtabloj, seĝoj, lampoj, kaj pentraĵoj uzitaj tiam.

Kadre de la nova datreveno de la milistista puĉo kaj kune al la filino de la forpasinta ŝtatestro, Isabel Allenda, la prezidantino kvalifikis la remalfermon de tiu ĉi oficejo kiel necesa fakto por la rekupero de la Ĉilia historio.

Bachelet diris ke " ŝi havas esperon ke la ejo transformiĝos en renkontejo kaj pripensejo por la ĉilianoj, en la estonteco miloj da gelernejanoj certe vizitos la lokon".

"Ili lernos ĉi tie la historian lecionon, kiun postlasis nin Allende, kaj tiun aron da viroj kaj virinoj lojalaj kaj kuraĝaj, kiuj tie decidis rezisti la baton malfidelan de tiuj, kiuj ne kredis je libereco", aldonis la prezidantino.

Poste, la ŝtatestrino prezidis ekumenan ceremonion, kiu estis farita en la palaco, kaj al kiu partoprenis ŝtatministroj, la familio de la eks-prezidinto Allende kaj eks-kunlaborintoj .

el "publimetro"

Malaprobas sentencon de Supera Kortumo kontraŭ lesba instruistino

La instruistino pri Katolika Religio Sandra Pavez liberis protestleteron al la Supera Kortumo repudiantee la sentencon, kiu malpermesas ŝin instrui en lernejon el kiu ŝi estis maldungita pro ŝia lesba kondiĉo.

Sandra Pavez, kiu havas la apogon de pli ol 20 organizaĵojn, iris al le sidejo de la Supera Kortumo, kune kun la prezidanto de Integriĝa Movado kaj Geja Libereco (Movilh), Rolando Jiménez.

La Supera Kortumo malakceptis protektagadon, kelkajn tagojn antaŭe, laŭ kiu la instruistino estus permesita sekvi instruante religion en tiu lernejo, kiu pasintjare maldungis ŝin pro ŝia lesba kondiĉo.

Al Fraŭlino Pavez oni revokis pasintjare far la Vikario pri Edukado el la Episkopo de San Bernardo, la licencon pro manko de morala taŭgeco kiel instruistino pro la geja kondiĉo, kaj malrajtigis ŝin instrui la katolikan religion.

Rolando Jiménez diris, ke la sentenco de la Supera Kortumo kontraŭ la instruistino kaj favora al la Katolika Eklezio " estas absurda enmiksiĝo de la Ŝtato, kiu supozeble estis laika".

"Kion ja faris la Supera Kortumo estas legitimi la ekzistandon de privilegia grupo en la popolo. La Supera Kortumo sentencis laŭ la Kanona Kodo, ne laŭ la Politika Konstitucio de Ĉilia Respubliko", asertis Jiménez.

"Al Sandra oni vulneris ŝian rajton je privateco, oni vulneris ŝian dignecon kiel homa estaĵo, kaj tiel ni pensas ke tiel ĉi natura sentenco estas abomenas", konkludis la Prezidanto de Movilh.

Jiménez asertis ke ili apelacios la sentencon de la Supera Kortumo antaŭ la Interamerikana Kortumo Pri Homaj Rajtoj, kaj krome oni prezentos civilan demandon kontraŭ la Episkopo de San Bernardo " pro la moralaj kaj ekonomiaj malutilaĵoj" kiu suferis la instruistino.

"La saman episkopo kiu diras ke Sandra estas morale maltaŭga, translokiĝis al la sudo de la lando al pastro kiu gravedigis paroĥaninon. Tia estas la moralo de la episkopoj el tiu ĉi lando, la moralo kiun la Supera Kortumo reafirmis en maldigna sentenco", diris Jiménez.

Post transdoni la leteron, Sandra Pavez deklaris al la medioj, ke ŝi kredas " malĝusta ke oni diskriminu personon pro eldiri la veron kaj agnoski sian seksan opcion", tio ĉi estas laŭ ŝi "atakon al la homaj rajton".

EFE/ Publimetro

Oni petas esploron pri ebla malobservo al la homaj rajtoj de la mapuĉeoj

el Radio Universidad de Chile

La Observejo pri Rajtoj de la Indiĝenaj Popoloj petis al la Interamerika Komitato pri Homaj Rajtoj (CIDH) tion, ke ĝi urĝe vizitu la mapuĉeajn komunumojn en Ĉilio por esplori eblajn malobservaĵojn al la homaj rajtoj kontraŭ la etno.

Ĉe aŭdienco antaŭ la CIDH, la direktanto de la Observejo pri Rajtoj de la Indiĝenaj Popoloj, José Aylwin, denoncis la “ĝenon” kiun praktikas la ĉiliaj institucioj rilate al mapuĉeaj direktantoj kaj defendantoj de la rajtoj de la indiĝenoj, per arbitraj arestoj, polica violento, kaj etna diskriminacio.

Aylwin eksplikis, ke estas “eksplodo de justicaĵoj” kontraŭ indiĝenaj direktantoj en Ĉilio, al kiuj oni ofte aplikas la kontraŭterorisman leĝon kaj militistajn juĝojn anstataŭ civilajn.

Tio ĉi estas la tri unuaj paragrafoj de artikolo publikigita de Radio Universidad de Chile: “Chile: Solicitan investigación del CIDH sobre supuesta violación de DD.HH. de mapuches”.

La ministro pri eduko akuzata de l'Alianco

el amaskomunikilaro

La plej grava opozicia koalicio, la dekstrema Alianco por Ĉilio, konstitucie akuzis la ministrinon pri eduko, la kristandemokratiisto Yasna Provoste, post tio, ke oni malkaŝis nenormalaĵojn pri la spezo de CLP$262.000 milionoj (ĉirkaŭ 388 milionoj da eŭroj). La akuzo enhavas kvin kialojn pro kiuj la ministro devus eksiĝi laŭ l'Alianco:

1. La ministro “ne korektigis la gravajn eksternormaĵojn faritajn de la Sekretariejo Regiona Ministreja (SEREMI) de Santjago koncerne ŝtatan monon”.
2. La ministro “ne sankcias la gravajn malobservaĵojn rilate al la Leĝo pri Subvencioj (al privataj lernejoj)”.
3. La ministro “ne eksigas na la Sekretario Regiona Ministreja pri eduko de Santjago, Alejandro Traverso, responsa pri la gravaj malobservaĵoj kaj nenormalaĵoj”.
4. “Ignori raportojn kiuj informis pri gravegaj nenormalaĵoj faritaj ĉe pluraj programoj kaj regionoj de la lando”.
5. “Doni malverajn informaĵojn, aŭ intence nekompletajn, al la publika opinio kaj la Ĉambro de Deputitoj, malobservante la principon de administra honesto”.

La governo jam anoncis, ke ĝi rigide defendos la ministron ĉar ĝi opinias, ke tutaj la denoncoj farataj de l'Alianco estas malveraj kaj, ke la opozicia koalicio senpense kaj profitvole faras la konstitucian akuzon. Laŭ Provoste, jam 94 procentoj el la $262 miloj da milionoj estis normaligataj. “Ni certas pri tio, ke ĉiam en Ĉilio regos la justeco”, ŝi asertis.

Foto: Ministrejo pri Eduko

Tra la reto:
La Nación (bis) - El Mostrador - Emol
[Ministrejo pri Eduko]

Protesto en Santjago kontraŭ la teroristo Álvaro Uribe

ĈILIA AERO

SANTJAGO.- Same kiel en amaso da urboj tra la tuta mondo, ankaŭ en Santjago de Ĉilio estis protesto kontraŭ la Prezidanto de Kolombio, la ŝtatteroristo Álvaro Uribe Vélez.

La proteston oni kunvokis pro tio ke Uribe malobservis suverenecon de Ekvatoro por murdi na Raúl Reyes, gerilano de la FARC. Ĉe la protesto, oni denoncis kaj kondemnis la antaŭlongan ŝtatan terorismon, kiun praktikas Uribe. Internaciaj fontoj, kiel Internacia Amnestio, informas pri rilatoj inter la governo de Uribe kaj narkottrafikaj grupoj. La viktimoj de Uribe ankaŭ denoncas la murdojn kaj aliajn krimojn ĉe ilia retpaĝo.

Ankaŭ en Esperanto

Sed la verdstela detalo de tiu ĉi aranĝo estis sendube tio, ke ĉilia esperantisto José Rafael Núñez Toso protestis per dulingva afiŝo, en la hispana kaj ankaŭ en Esperanto.

La esperanta teksto de la afiŝo estas “Por la vivo kaj la paco malliberigu na Uribe”, kaj sube estas la hispana teksto “Uribe... ¡a la cárcel!” (“Uribe... en malliberejon!”).

La du bildoj de tiu ĉi artikolo apartenas al José Rafael Núñez Toso, kaj estas publikigataj laŭ permesilo de Creative Commons.

Kortumo liberigas el juĝo al Matías de la Fuente

el amaskomunikilaro

SANTIAGO.- La sepa ero de Kortumo pri Apelacioj de Santiago liberigis al Matías de la Fuente, eksa teamestro de la Prezidanto Ricardo Lagos (kiam li estis ministro pri publikaj konstruoj) kaj kuzo de lia edzino, Luisa Durán, el juĝo kaj malliberejo Capuchinos, kie li estis dum kvar tagoj pro decido de la juĝistino esploranta, Gloria Ana Chevesich.

De la Fuente estas esplorata de Chevesich pro misteraj kontraktoj inter la Ministrejo pri Konstruoj Publikaj (MOP) kaj la entrepreno M & P Délano Consultores, ŝajne faritaj por trompŝteli al ŝtato, ĉar juĝopetintoj asertis ke la kvantoj da mono de la kontraktoj estis tro altaj, la kontraktoj ne estis bezonataj, kaj ke la menciita entrepreno agis nenion por la ministrejo.

La decido de la kortumo estis pro ke ne estas sufiĉe da elementoj kulpigantaj al De la Fuente; do ĝi ne povas sin konvenki De la Fuente vere ŝtelis monon al ĉilia ŝtato. Cetere, la teksto redaktata de la kortumo asertas ke ne estas tasko de la Povo Justa decidi kio estas necesa kaj kio ne estas necesa por la pluraj institucioj de la ŝtato. La decido estis unuanima, apoganta de la tri membroj de la sepa ero, Carlos Cerda, Jorge Dahm, kaj Joaquín Billard.

La sepa ero ankaŭ liberigis el juĝo al aliaj kvar personoj: Sergio Cortés, Roberto Alonso kaj Ximena Riff (laborantoj kaj laborintoj del MOP) kaj Pablo Délano (el M & P).

La Prezidanto Ricardo Lagos diris: “Mi ne havas opiniojn pri tiu afero. Mi diris ke Matías de la Fuente ŝajnis al mi kiel granda kunlaboranto kaj mi ripetas tion”.

Eble la opozicia partio, Unio Demokratia Sendependa (UDI), volos apelaci al ĉi decido. Tiam la decidonta tribunalo estus la Kortumo Plejsupera.

Tra la reto:
La Nación - El Mostrador
[Decida teksto redaktita de la sepa ero]

La Torso de Adèle

el amaskomunikilaro

SANTIAGO.- La 16-an de julion, la universitata studanto Luis Emilio Onfray Fabres ŝtelis la faman skulpturon “La Torso de Adèle” de la franca Auguste Rodin en la Muzeo Nacia de Belartoj. La sekvinta tago, li donis la artaĵon, konfesante la ŝtelon kaj pardonpetante.

Finfine, li estas komdenita al senpage labori en biblioteko dum unu jaro, perletere pardonpeti al Muzeo Rodin de Parizo kaj pagi preson de milo da broŝuroj pri sia eraro, por ke ili estu donontaj al vizitontoj de la Muzeo Nacia de Belartoj.

La skulpturo estas denove ene de la eksposicio de Rodin en Santiago, kiu daŭriĝos ĝis la 7-an de aŭgusto.

Tra la reto:
Emol - Las Últimas Noticias
Museo Nacional de Bellas Artes
http://www.mnba.cl

Juĝisto Guzmán ricevis premion pro kohero

de Ĉilia Aero

SANTIAGO.- La eksa juĝisto Juan Guzmán Tapia (konata per “Juĝisto Guzmán”), ricevis hodiaŭ je la Premio pro Kohero “Laura Rodríguez”, kadre de la datreveno de la morto de la eksdeputitino Laura Rodríguez, humanisto, kiu mortis la 20-an de julio 1992 pro kancero.

La okazaĵo estas organizita de Fondaĵo Laura Rodríguez, humanista organizo kiu faras humanistajn projektojn kaj donas tutjare la menciitan premion.

La premion donis grava persono el humanista movado kaj nuna prezidanteca kandidato de PODEMOS, Tomás Hirsch. Hirsch faris paroladon, kaj poste li donis la premion al Juĝisto Guzmán.

Dum la evento, kies ĉefa temo estis ĉi-jare la virineco en la politiko, pluraj artistoj kaj personoj esprimis sian opinion pri tiu afero.

Guzmán estis speciala juĝisto nomumita de la Kortumo Plejsupera por esplori pri krimoj kontraŭ homaj rajtoj dum diktatoreco de Pinochet. Tamen, li ricevis plurajn minacojn pro sia boncela laboro kiel juĝisto. Li preferis rezigni al sia posteno anstataŭ neleĝe favori al Pinochet. Pro tio, sia kohero kaj laborado, li estas premiita de la Fondaĵo Laura Rodríguez.

La Ekspresa Juĝistino

el amaskomunikilaro

SANTIAGO.- Estas stranga priinfana juĝistino, María Angélica Grimberg, de la Kvina Tribunalo pri Malplenaĝuloj de Santiago. Tiu virino estas, laŭ la raporto de la esploristo Carlos Cerda, kulpanta de:
1. Tre rapide fermi juĝojn por obteni specialan rekompencon pro rapida laboro kiel juĝistino.
2. Alkohole veturi.
3. Oferi gajnon ene de juĝo al plastika ĥirurgiisto (se li malmultekoste ĥirurgius ŝin).
4. Esti tro malagrabla kun geinfanoj, gepatroj, ktp., kiuj vizitadis la juĝejon.

Cetere, restas afero rilate al stranga aĉeto de unu domo, kies posedinto devis vendi ĝin por tre malgranda prezo. Tamen, la esploristo Cerda ne menciis tion en sia raporto ĉar estas nuntempe malfermata juĝo pri tio.

Carlos Cerda estis numumita kiel esploristo por ĉi afero de la Kortumo Plejsupera la 1-an de julio. Ĝi donis monaton al li por la esplorado kaj prezentado de fina raporto, sed Cerda prokrastis nur dek sep tagojn.

Finfine decidos la Kortumo Plejsupera, kiam Grimberg estos jam prezentinte sian version.

Tra la reto:
La Nación - Terra

Prezidanteca Milito II

de José Rafael NÚÑEZ TOSO

Multaj aferoj okaziĝis ekde lasta artikolo same nomiĝanta: kandidatino eliris, du kandidatoj eniris; kaj la lando spertis kelkajn gravajn okazaĵojn.

La ŝanĝoj

El unu, nun estas du kandidatoj de la dekstra koalicio, Alianco por Ĉilio. Longtempe superregitaj de Unio Demokratia Sendependa (UDI), kies candidato estas Joaquín Lavín, la membroj de Renovigado Nacia (RN) decidis levigi sian propran kandidaton, Sebastián Piñera.

El du, nun estas nur unu virino kandidatante. Soledad Alvear (Demokratio Kristana, DC) eliris prezidantecan militon pro sia tre malmulta apogo ene de enketoj. La samkoalicia Michelle Bachelet (PS-PPD-PRSD kaj nun ankaŭ DC) estos la fina prezidanteca kandidatino de Koncerto de Partioj por Demokratio.

Aliflanke, finfine oni elektis kandidaton de Povo Demokratia kaj Sociala (PODEMOS). Li estos Tomás Hirsch, el Partio Humanista.

Michelle Bachelet

Ŝajne estas fakto ke Bachelet estas kandidatino de la tuta Koncerto, eĉ DC. Tamen, okazas ke ĉi partio ankoraŭ ne finfine deklaras al Bachelet prezidantecan kandidatinon. Tio estas strategio de la prezidanto de DC, Adolfo Zaldívar, por obteni pli parlamentajn kanditatecaĵojn ol tiom, kiom jam havas DC kaj por “blendi” kelkajn kandidatojn de DC por ke ili gajnu la postenon, deputitan aŭ senatanan. Ĉiukaze, iam DC deklaros al Bachelet kandidatinon. La postigado estas politika armilo.

Laŭ la enketoj, Bachelet posedas inter 45% kaj 55% da voĉdona apogo, malgraŭ ĝis nun ŝi preskaŭ nenion diras, zorganta pri sia famo de “agrabla”, “ridema” kaj “mezklasa”. Ĉi tion ŝatas popolo, kaj pro tio popolo preferas ŝin.

Joaquín Lavín

Ĝis malmulte antaŭe, Lavín estis la sola kandidato de Alianco por Ĉilio. Nun, li estas kandidato nur de sia partio, Unio Demokratia Sendependa. Tredekstrema, katolika (membro de Opusdejo), konservativa. Lavín intencas esti ŝatata de popolo, parolante pri la malriĉeco, la krimo, la labormanko, ktp.

Li jam estis kandidato en 1999 kontraŭ la nuna deĵoranta prezidanto de la respubliko (Koncerto), Ricardo Lagos. Sia kampajno estas multkolora kaj plastika. Laŭ enketoj, li posedas inter 20% kaj 25% da voĉdona apogo.

Sebastián Piñera

RN sin sentas kiel “malgranda frato” kompare al UDI. Ekde 1997, RN ĉiam obtenis malpli postenoj kaj voĉdonoj ol la UDI. Pro tio, ili bezonas propran kandidaton, kaj levigis al Sebastián Piñera. Entreprenisto, riĉulo, posedanto de televidkanalo, aviadilaro, ktp. La espero de RN estas plibonigi sian parlamentan situacion per propra prezidanteca kandidato. Laŭ enketoj, li posedas inter 15% kaj 20% da voĉdona apogo.

Tomás Hirsch

La kandidato de PODEMOS, Tomás Hirsch, estas kontraŭ la novliberismo, la kapitalismo, kaj por nova ekonomia sistemo, kies plej grava aĵo estu personoj, homoj, anstataŭ profitoj de entreprenoj. Por tio, Hirsch kaj PODEMOS proponas impostan reformon por ke la internaciaj entreprenoj fakte pagu ion al ŝtato, mona kompenso (royalty) el minejoj por ke la nacio ricevu iom da mono po kilogramo da kupro ĉerpata de minejoj, ktp.

Dume de urba balotado (2004) kaj laŭ la enketoj, PODEMOS estis obtenonte inter 1% kaj 2% da voĉdonoj. Tamen, ĝi obtenis 9,2%. Pro tiu fakto, estas nekredebla afero, ke Hirsch obtenos nur 2% (kiel antaŭvidas enketoj), sed pli ol tio.

Nur unu aŭ du balotoj

En Ĉilio, por esti prezidanto de la respubliko, oni bezonas absolutan plimulton da voĉdonoj. Se tio ne okazas, la du kandidatoj kun la du plej grandaj voĉdonaroj denove testiĝos ene de la dua baloto; tiam gajnas kiu obtenas pli voĉdonojn ol la aliulo. La Alianco por Ĉilio volas atingi duan baloton por obteni prezidantecon.

Vidu ankaŭ:
Kia debataĉo!
La lasta bato de Alvear
Prezidanteca milito

Tra la reto:
Michelle Bachelet
http://www.michellebachelet.cl
Joaquín Lavín
http://www.joaquinlavin.cl
Sebastian Piñera
http://www.sebastianpresidente.cl
Tomás Hirsch
http://www.tomashirsch.cl

Du monatoj sen aero

Antaŭ du monatoj la lasta novaĵo estis raportita ĉe Ĉilia Aero. Ni bedaŭras. Tio estis pro ke “ni” vere estas “mi”, la sola persono kiu laboras ene de ĉi tiu retĵurnalo. Dum la lastaj du monatoj, mi ne povis ofte eniri interreton.

Mi esperas, ke ekde nun, la gazeto povu ofte aktualiĝi. Pro tio, se vi estas ĉiliano: ĵurnalistiĝu!

José Rafael NÚÑEZ TOSO
Redaktoro

Tribunalo decidos pri polemika anonco de FES

el amaskomunikilaro

Instituto de la Virino kaj la Servo Nacia pri la Virino ne konsentas polemikan anoncon de la entrepreno FES, kiu montras argentinan pozistinon Nicole Neumann tiamaniere, ke ŝi similu batita kaj ofendita.

Marcelo Konitzki, direktanto de FES, asertas ke “niaj kampanjoj ĉiam polemikas kaj ni povos amike debati. Ni ne apogas perforton”.

Tra la reto:
Las Últimas Noticias - Radio Cooperativa

Aidosuloj ne rajtas peti kreditojn

el amaskomunikilaro

La nacia ĵurnalo La Nación denuncis hieraŭ la bedaŭrindan fakton, ke por peti monan krediton al kelkaj bankoj, oni sukcesu la teston de Elisa, kiu utilas por testi aidoson en iu homo.

Pri tio informis "Pedro", antaŭ dek jaroj, kiam la banko Santander Santiago petis al li teston de Elisa. Kvankam Petro sukcesis, li denuncis la fakton al la loka amaskomunikilaro de sia urbo, Punta Arenas.

Laŭ Vasili Deliyanis, el Vivo Positivo, asocio pri aidoso, ankaŭ aliaj bankoj petas tiun teston al kredito-volantoj. La asocio asertas ke Banco de Chile postulas la teston por kreditoj pli altaj ol CLP$86 milionoj; Corpbanca, pli altaj ol CLP$69 milionoj; kaj BCI, pli altaj ol CLP$103 milionoj.

Banco de Chile certigas ke la situacio estas postulo el asekuraj kompanioj. Same argumentas la ŝtata institucio pri bankoj, kulpigante do asekurajn kompaniojn. Kurioze estas ke la plimulto el la akuzataj bankoj ankaŭ posedas iun asekuran kompanion. Tamen, ili agas kvazaŭ tiuj kompanioj ne ekzistas, neante ke ili mem decidis ne pruntedoni monon al aidosuloj.

Tamen, la asekuraj kompanioj sin defendas. Mikel Uriarte, prezidanto, kaj Jorge Claude, ĝenerala direktanto, de Asocio de Asekurantoj asertas: “Ne estas diskriminacio, estas ekskludo de malsanoj. Aidosulo ne povas preni krediton, kaj iu ne scianta se si aidosas, kaj ne volanta sin testi, povas eniri la apudan bankon. La merkato liberas”.

Nekredebla fakto estas ke, laŭ la ministro pri sano, Pedro García, ĉi tiu fakto estas “absolute neleĝa” ĉar la testo de Elisa estas tute laŭvola de la testoto, kiu ankaŭ estas la unika persono al kiu oni devas informi la rezulton. Pro tio, García alvokis personojn por ke ili informu al Komisio Nacia pri Aidoso.

Tra la reto:
La Nación (bis)

Finfine, Insulza elektiĝis

el amaskomunikilaro

VAŜINGTONO.- Lunde okazis fina balotado ene de Organizo de Ŝtatoj Amerikanaj (OEA) por elekti novan ĝeneralan sekretarion de tiu institucio, kie ĉeestas la tutaj amerikanaj nacioj, krom Kubo.

La balotado estis preskaŭ unuanima ĉar José Miguel Insulza estis la unika kandidato post la faliĝado de la meksika Luis Ernesto Derbez, kiu egaliĝis kun Insulza kvin fojojn dum la unua balota tago. Insulza obtenis do je 31 el la tutaj 34 voĉdonoj.

La elektita Insulza dankis al membraj landoj de OEA kaj al la ĉilia popolo, ĉar li konsideris neebla sian gajnon sen la apogo de sia tuta nacio.

Vidu Ankaŭ:
Insulza: Kvinfoje egaliĝanta
Ministro Insulza eble estros je la OEA

Tra la reto:
El Mostrador – El Universal (Meksiko)